  |
  
|
楊怡的古裝扮相真是很靚哦.. 要拍多D古裝劇呢!
其實覺得勝雪同兩位男主角都很襯. 馬浚偉(聶致遠)應該係第一男主角, 但因為角色比較悶, 所以完全俾黃浩然(胡亭軒, 二少)搶哂風頭.
就套劇, 個人當然係希望勝雪會同二少美滿幸福咁結局啦, 雖然勝雪同致遠相戀在先, 但致遠畢竟係因為公務而利用同埋出賣過勝雪, 又間接害死勝雪父母. 就算致遠不是主謀, 也是幫兇. 殺父母之仇不共戴天, 或者可以原諒, 但無可能同佢結婚囉.. 二少由始至終都對勝雪有情有義, 但顧慮自己身有不治之症而不敢有所行動. 咁好既人去邊度搵呢..
另劇中的一眾綠葉, 如郭鋒所飾的胡老爺, 蔣志光(姚守正), 等等都做得入木三分, 好劇本亦需要好演員..
本人的陰謀論.. 因為黃浩然唔係無線既親生仔, 所以唔可以由第二男主角升做第一男主角. 如果睇左結局既人, 就知最後果三集D劇情有D夾硬來. 另一個想法就係.. 唔通編劇仲迷信最美的愛情故事要悲劇收場.. 又或者.. 本來二十集, 唔知做乜無啦啦要拖多五集, 所以唯有夾硬生D牽強情節出來呢??
點都好.. 支持胡二少, 支持黃浩然!!!
|
佢啲戲我睇過《孤男寡女》《新紮師妹》和《黑白森林》，前陣子睇番《十萬火急》，真係好幼嫩…果然演技係要浸番嚟呢… |
|
|
我只係睇咗少少第2集就中咗二少招…成為粉絲了… |
|
|
一開始係俾楊怡吸引去睇.. 不嬲好buy佢做戲(除左"羅女"外) 馬浚偉做古裝已經好過時裝好多, 佢個樣就十分忠直, 又成日做埋D老好人角色, 都好難有咩發揮.. 黃浩然係好好戲, 只係懷材不遇, 佢出道果陣拍過套PTU, 做得好好, 得閒搵返來煲下先.. |
